Murguz Safarov answered
Müvəqqəti oyanıqlıq halının itməsinə xalq arasında bayılma tibb dilində senkop deyilir. Bu vəziyyətdə beyin hüceyrələrinə gedən oksigen azalmışdır. Bayılmanın səbəbləri yorğunluq, uzun müddət ayaqda qalmaq, ani həyəcanlar, təzyiq yüksəkliyi, hamiləlik, qansızlıq, damar sərtliyi və ürək xəstəlikləridir. Bayılmadan əvvəl bayılma hissi (aura) gəlir. Sonra üz rəngi solğunlaşır ardınca isə tərləmə, taxikardiya, göz qaralması və baş gicəllənməsi görülür. Bu kimi vəziyyətlərdə ediləcək ilk iş xəstəni dərhal yatırtmaq, ayaqqabılarını və paltarlarını çıxarmaqdır. Sonra üzünə su səpmək və naşatır iylətməkdir.
