Şaven şəhəri Mərakeşin şimal qərb qurtaracağında Tetyan yaxınlığında Ər-Rif dağının yamacında yerləşir. Tanjer Tetyan regionuna daxildir. Şəhərin əsası 1471-ci ildə qoyulmuşdu.
Şaven şəhərini fərqləndirən əsas əlamət onun arxitekturasıdır. Belə ki, şəhərin əksər binalarının divarları göy rəngin müxtəlif çalarları və mavi rənglə rənglənib. Şəhərin belə rənglənməsinin müxtəlif variantları mövcuddur. Bəziləri, 1492-ci ildə ispanlar tərəfindən qovulan yahudilərin oz evlərini göy və mavi rəngdə rəngləyərək (səma mavi olduğuna görə) özlərinin varlığını allahın yadına salmaq üçün, bəziləri isə sülh, dözümlülük simvolu olaraq bu rəngdə rənglədiklərini deyirlər.
Baxmayaraq ki, orada artıq yahudilər yaşamır ancaq şəhərin bu rənglərlə rənglənməsi adəti yenə də saxlanılmaqdadır. Bu turistlərin oraya marağının artmasına səbəb olur.
